[Officium]
Beatæ Mariæ Virginis sub titulo Auxilium Christianorum

[Rank]
;;Duplex majus;;4;;ex C11

[Rule]
ex C11
9 lectiones
Antiphonas horas

[Comment]
Proprium viz. 1888, pp. [383]–[272]

[Hymnus Vespera]
Sæpe dum Christi pópulus cruéntis
Hostis infensi premerétur armis,
Venit adjutrix pia Virgo cœlo 
Lapsa sereno.
_
Prisca sic Patrum monuménta narrant,
Templa testantur spolus opimis
Clara, votivo repetita cultu
Festa quotánnis.
_
En novi grates liceat Maríæ
Cantici lætis módulis referre
Pro novis donis, resonante plausu
Urbis et Orbis.
_
Oh dies felix, memoránda fastis,
Qua Petri Sedes fídei magístrum
Triste post lustrum reducem beáta
Sorte recépit!
_
Vírgines castæ, puerique puri,
Gestiens clerus, populusque grato
Corde Regínæ celebráre cœli
Múnera certent.
_
Vírginum Virgo, benedícta Jesu
Mater, hæc auge bona; fac precámur,
Ut gregem Pastor Pius adsalutis
Pascua ducat.
_
Te per ætérnos venerémur annos,
Trínitas, summo celebranda plausu:
Te fide mentes, resonoque linguæ
Carmine laudent. Amen.

[Ant 1]
Ecce Maria erat spes nostra, ad quam confugimus in auxilium, ut liberaret nos, et venit in adjutorium nobis.

[Oratio]
Omnípotens et miséricors Deus, qui ad defensiónem pópuli christiáni in beatíssima Vírgine María perpétuum auxílium mirabíliter constituísti: concéde propítius; ut tali præsídio muniti, certantes in vita, victóriam de hoste malígno consequi valeamus in morte.
$Per Dominum

[Hymnus Matutinum]
@:Hymnus Vespera

[Lectio4]
Sermo sancti Bernárdi Abbátis
!Ex Sermóne de 12 Stellis
Veheménter quidem nobis, dilectíssimi, vir unus et múlier una nocuere: sed grátias Deo, per unum nihilóminus virum et mulíerem unam ómnia restaurantur, nec sine magno fœnore gratiárum. Et quidem sufficere póterat Christus: síquidem et nunc omnis sufficientia nostra ex eo est: sed nobis bonum non erat esse hóminem solum. Congruum magis ut adesset nostræ reparationi sexus utérque. Jam ítaque nec ipsa múlier benedícta in muliéribus vidébitur otiosa: inveniétur equidem locus ejus in hac reconciliatione.  Opus est enim mediatore ad mediatorem Christum: nec alter nobis utilior quam María. Crudelis nimium mediatrix Heva, per quam serpens antiquus pestiferum étiam ipsi viro virus infudit: sed fidélis María, quæ salútis antidotum et viris et muliéribus propinávit. Illa enim minístra seductionis, hæc propitiatiónis; illa suggéssit prævaricationem, hæc ingessit redemptiónem. Quid ad Maríam accedere trepidet humána fragilitas? Nihil austerum in ea, nihil terríbile; tota suávis est, ómnibus ófferens lac et lanam. Revolve diligentius evangelicæ historiæ sériem univérsam: et si quid forte increpatorium, si quid durum, si quod dénique signum vel levis indignatiónis occurrerit in María, de cetero suspectam hábeas, et accedere verearis.

[Lectio5]
Quod si...

[Lectio6]
Præsentíssimum ...

[Lectio7]
Léctio sancti Evangélii secúndum Lucam
!Luc 11:
In illo témpore: Loquénte Jesu ad turbas, extóllens vocem quædam múlier de turba, dixit illi: Beátus venter, qui te portávit. Et réliqua.
_
Homilía sancti Bernárdi Abbátis
!In nativitate B. M. V.
Intuére o homo, ...

[Responsory7]
R. Felix namque es, sacra Virgo María, et omni laude digníssima:
* Quia ex te ortus est sol justítiæ, Christus, Deus noster.
V. Ora pro pópulo, intérveni pro clero, intercéde pro devóto femíneo sexu: séntiant omnes tuum juvámen, quicúmque célebrant tuam sanctum implórant auxílium.
R. Quia ex te ortus est sol justítiæ, Christus, Deus noster.

[Lectio8]
In ómnibus ...

[Lectio9]
Filíoli, hæc peccatórum ...

[Hymnus Laudes]
Te Redemptóris, Dominique nostri
Dícimus Matrem, speciósa Virgo,
Christianórum decus, et levámen –
Rebus in arctis.
_
Sæviant portæ licet inferórum,
Hostis antiquus fremat, et minaces
Ut Deo, sacrum populetur agmen,
Suscitet iras.
_
Nil truces possunt furiæ nocére
Mentibus castis, prece quas vocáta
Ánnuens Virgo fovet, et superno
Róbore firmat.
_
Tanta si nobis faveat Patrona,
Bellici cessat scéleris tumultus,
Mille sternuntur, fugiuntve turmæ,
Mille cohortes.
_
Tollit ut sancta caput in Sione
Turris, arx firmo fabricáta muro,
Cívitas David, clypeis, et acri
Mílite tuta.
_
Virgo sic fortis Dómini poténti
Déxtera, cæli cumulata donis,
A piis longe famúlis repellit
Dæmonis ictus.
_
Te per ætérnos venerémur annos
Trínitas, summo celebranda plausu,
Te fide mentes, resonoque linguæ
Carmine laudent. Amen.

[Ant 2]
Ad te, o sancta Dei Génitrix, clamavimus, et per te venit Dómini auxílium nobis.

[Ant 3]
Sancta María, succurre míseris, juva pusillánimes, réfove flébiles, ora pro pópulo, intérveni pro clero, intercéde pro devóto femíneo sexu: séntiant omnes tuum juvámen, quicúmque tuum sanctum implórant auxílium.

[Secreta]
Pro religiónis christiánæ triúmpho hóstias placatiónis tibi, Dómine, immolámus: quæ ut nobis profíciant, opem auxiliátrix Virgo præstet; per quam talis perfécta est victória.
$Per Dominum

[Postcommunio]
Adésto, Dómine, pópulis, qui participatióne Córporis et Sánguinis tui reficiúntur: ut, sanctíssima tua Genetríce auxiliánte, ab omni malo et perículo liberéntur, et in omni ópere bono custodiántur:
$Qui vivis
